Oshxonadagi o‘zaro janjal o‘lim bilan yakunlandi

7 iyun kuni Navoiy viloyatining Qiziltepa tumanida qotillik yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu tumanda yashovchi, oshxona ish yurituvchisi A.N. ish joyida mast holda bo‘lgan fuqaro F.R. bilan o‘zaro janjallashib, uni urib-tepib tanasini turli joylariga jarohat yetkazgan. 

Natijada F.R. kasalxonaga yotqizilgan va ko‘rsatilgan tibbiy muolajalarga qaramay vafot etgan. A.N. qo‘lga olingan.