Qatar BAA ustidan BMT Xalqaro sudiga arz qildi – OAV

Qatar hukumati inson huquqlari buzilishi yuzasidan BAA ustidan BMT Xalqaro sudiga arz qildi. Bu haqda Qatar hukumati bayonotiga iqtibos keltirgan holda Reuters axborot agentligi xabar berdi. 

Qatarning xalqaro sudga murojaatida ta'kidlanishicha, BAA Qatar fuqarolari huquqlariga vayronkor ta'sir ko‘rsatgan harakatlarni amalga oshirgan. Ya'ni BAA qatarliklarni tahqirlovchi, jumladan ularni BAAdan chiqarib yuborish, BAAga kiritmaslik va uning hududi orqali o‘tib ketishlarini taqiqlovchi choralar ko‘rgan.