ShHTda raislik qilish Qirg‘izistonga o‘tdi

Shanxay hamkorlik tashkilotida raislik qilish Xitoydan Qirg‘izistonga o‘tdi. Bu haqda Qirg‘iziston prezidenti ma'muriyati ma'lum qildi.

Bishkek tashkilotda 2018-2019 yillarda raislik qiladi. Tashkilotning keyingi sammiti 2019 yil 14-15 iyunda Bishkekda bo‘lib o‘tadigan bo‘ldi.

Qirg‘iziston prezidenti Sooronbay Jeenbekov Qirg‘iziston raislik qilishga va tashkilotning yanada rivojlanishiga o‘zining munosib hissasini qo‘shishga tayyorligini ma'lum qilgan.”Qirg‘iziston raislik qilish vaqtida ShHTni 2025 yilgacha rivojlantirish strategiyasidan kelib chiquvchi vazifalar va boshqa muhim dasturiy hujjatlarni amalga oshirishga e'tibor qaratadi”, deb aytgan Jeenbekov.