Tramp Singapur havosidan zavqlanib ketgan

AQSh prezidenti Donald Trampning ma'lum qilishicha, Singapur havosidan ruhlanib-zavqlanib ketgan. Bu haqda u tvitterdagi sahifasida yozdi.

«Singapurga kelganimdan juda xursandman. Bu yerdagi havodan zavqlanib ketdim!», - deya yozgan AQSh prezidenti.

12 iyun kuni Singapurda Toshkent vaqti bilan soat 06:00da sammit bo‘lib o‘tadi, unda Donald Tramp va Shimoliy Koreya rahbari Kim Chen In ishtirok etadi.

Har ikki yetakchi Singapurga yetib keldi. OAV ma'lumotlariga ko‘ra, ularning mehmonxonalari bir biridan 500 metrlik masofada joylashgan.

Eslatib o‘tamiz, avvalroq Tramp va Kim Chen In sammitda «yangi munosabatlarni» muhokama qilishi xabar berilgandi.