Qirg‘izistonda kuchli yomg‘irlar sababli favqulodda vaziyat tartibi kiritildi  

Qirg‘izistonda selga olib kelgan kuchli yomg‘irlar sababli favqulodda vaziyat tartibi kiritildi. Bu haqda “Sinxua” axborot agentligi xabar berdi.

Yomg‘irlar sababli 5 ta qishloqqa sel kelgan. Oqibatda 16 ta uy, bolalar bog‘chasi, 30 kmga yaqin avtomobil yo‘li, 6 ta ko‘prik hamda irrigatsion kanallarga shikast yetgan. Ayni vaqtda voqea joyida 100ga yaqin qutqaruvchi ishlamoqda.

Shuningdek, aholini vaqtinchalik chodirlarga evakuatsiya qilish masalasi ko‘rib chiqilmoqda.