Toshkentdagi ba'zi ko‘chalarda avtotransportlar harakati vaqtincha cheklanadi 

Bugun, 13 iyun soat 18:00dan 20:00ga qadar Toshkent shahridagi ba'zi ko‘chalarda avtotransportlar harakati vaqtincha cheklanadi. Bu haqda poytaxt IIBB axborot xizmati xabar bergan.

Xususan, Sharof Rashidov ko‘chasining Xurshid ko‘chasidan Kichik xalqa yo‘ligacha bo‘lgan qismida;

Kichik xalqa yo‘lining Sharof Rashidov ko‘chasidan Labzak ko‘chasigacha bo‘lgan qismida;

Labzak ko‘chasining Nurafshon ko‘chasidan Kichik xalqa yo‘ligacha bo‘lgan qismida avtotransportlar harakati vaqtincha cheklanadi.

«Yuzaga kelgan noqulaylik uchun uzr so‘raymiz», - deyiladi IIBB xabarida.