Misr yangi hukumati qasamyod keltirdi

Misr prezidenti Abdul Fattoh as-Sisiy bosh vazir Mustafo Madbuliy boshchiligidagi yangi hukumatni qasamyodga keltirdi. Bu haqda Associated Press xabar bermoqda.

Ta'kidlanishicha, prezident Muhammad Zakiy Muhammadni Mudofaa vazirligi yangi rahbari, Muhammad Tovfiqni yangi ichki ishlar vaziri etib tayinlagan.

2 iyun kuni Abdul Fattoh as-Sisiy ikkinchi muddatga davlat rahbari lavozimiga kirishdi.

Misrda prezidentlik saylovlari 26-28 mart kunlari bo‘lib o‘tdi. Davlat rahbari lavozimiga as-Sisiy va «Al-Ged» («Ertaga») partiyasi yetakchisi Muso Mustafo Muso da'vogarlik qildi.