Yaponiyada Sakuradzima vulqoni otila boshladi

Yaponiyaning Kyusyu orolidagi Sakuradzima vulqoni 4,7 km balandlikka kul va tutun ustunini otdi.

Meteorologlar mahalliy vaqt bilan soat 07.20da “portlash xarakteridagi” otilishni qayd qilishgan. Shuningdek, vulqon krateridan 800-1000 metr masofagacha yirik toshlar otilgani qayd qilingan. Mutaxassislar vulqon ortidan kuzatuv olib borishmoqda. 

Vulqon otilishi sababli hududda mumkin bo‘lgan 5 darajadan 3-xavflilik darajasi amal qilmoqda. Bu esa tog‘ga yaqinlashish va unga ko‘tarilish man etilganini anglatadi. Mutaxassislar tosh va lavalar otilishi mumkinligi sababli vulqondan 2 km masofagacha hududda ehtiyotkorlik namoyon etishga chaqirishgan.

Sakuradzima vulqoni balandligi dengiz sathidan 1117 metrgachani tashkil qiladi va uning yonbag‘irlarida parazitik kraterlar bor.