Boliviyada yuz bergan YTHda 17 kishi halok bo‘ldi

Boliviyada yo‘lovchi avtobusi ishtirokidagi yo‘l-transport hodisasi oqibatida 17 kishi halok bo‘ldi. Bu haqda Erbol xabar bermoqda.

Radiostansiya ma'lumotlariga ko‘ra, avariya sabab yana 22 kishi jarohat olgan.

Ta'kidlanishicha, yo‘lovchi avtobus Potosi shahri yaqinidagi shosseda qoyaga kelib urilgan.

Politsiya xodimlari so‘zlariga ko‘ra, avariyaga tezlikni haddan tashqari oshirib yuborish sabab bo‘ldi.

Ayni damda huquqni muhofaza qiluvchi organlar hodisaning barcha tafsilotlarini aniqlashtirishmoqda.

Eslatib o‘tamiz, avvalroq Hindistonda avtobus ishtirokida fojia yuz bergani, 17 kishi halok bo‘lgani xabar qilingandi.