AQSh qochqinlar uchun lagerga aylanmaydi – Tramp

AQSh prezidenti Donald Tramp AQShning qochqinlar va noqonuniy muhojirlar uchun lagerga aylanishiga yo‘l qo‘ymasligini aytdi hamda mamlakatga migratsiya islohoti zarurligini ta'kidlab o‘tdi.

“AQSh muhojirlar uchun lager bo‘lmaydi va biz qochqinlarni qo‘llab-quvvatlovchi markaz bo‘lmaymiz! Bu hech qachon bo‘lmaydi! Qarang, Yevropa va boshqa joylarda nima bo‘lmoqda, biz bu yerda bunday bo‘lishiga yo‘l qo‘ymaymiz, mening rahbarligim ostida emas”, deb aytgan Tramp koinot kengashi yig‘ilishida.

“Biz davlatimiz uchun xavfsizlikni istaymiz”, deb qo‘shimcha qilgan Tramp va demokratlarni immigratsiya siyosatiga to‘sqinlik qilishda ayblagan.

“Yuz berayotgan voqea juda qayg‘ulidir... Biz buni tezda hal qilishimiz mumkin edi... Hozir bizda dunyodagi eng yomon immigratsiya qonunlari mavjud. Chegarasiz davlat – davlat emas. Bizga chegaralar va xavfsizlik zarur, biz odamlarimiz haqida qayg‘urishimiz lozim. Biz xavfsiz davlatni istamoqdamiz va bu chegaradan boshlanadi”, deb aytgan Tramp.