Parijdagi poyezdda tug‘ilgan bolaga 25 yillik bepul chipta sovg‘a qilindi 

Parijning RER poyezdlar tarmog‘ining poyezdlaridan birida 18 iyunda homilador yo‘lovchilardan birini birdan to‘lg‘oq tutib, u o‘g‘il farzand dunyoga keltirdi.   

Bolaning tug‘ilishi Sharl de Goll/Etual va Nason stansiyalari o‘rtasida poyezdlar qatnovining vaqtinchalik to‘xtashiga olib kelgan. Ona va bola yaqin oradagi shifoxonaga yetkazilgan. 

Poyezdlar tarmog‘i rahbariyati onani muborakbod etib, bunday voqea munosabati bilan dunyoga kelgan bolakay 25 yoshga yetguncha tarmoq poyezdlaridan bepul foydalanishi mumkinligini e'lon qilgan.