Prezident birinchi yarim yillik yakunlari bo‘yicha videoselektor o‘tkazadi

Bugun, 21 iyun kuni soat 16:00da O‘zbekiston prezidenti Shavkat Mirziyoyev raisligida videoselektor yig‘ilishi o‘tkaziladi.

Kun.uz muxbiri xabar berishicha, yig‘ilish kun tartibi respublika tarmoqlar va hududlarida investitsiya loyihalarini amalga oshirish holati, investitsiyalarni, eng avvalo to‘g‘ridan-to‘g‘ri xorijiy investitsiyalarni jalb etish va o‘zlashtirish natijadorligi, shuningdek, birinchi yarim yillik yakuni bo‘yicha investitsiya loyihalarini amalga oshirish holati va to‘g‘ridan-to‘g‘ri xorijiy investitsiyalarni jalb etish va o‘zlashtirish yo‘nalishlaridagi ishlar samaradorligi uchun rahbarlarning shaxsiy mas'uliyati va javobgarligi to‘g‘risida bo‘ladi.