Britaniya hukumati Trampning Putin bilan uchrashuvidan xavfsiramoqda

Britaniya hukumati AQSh prezidenti Donald Tramp va Rossiya yetakchisi Vladimir Putin o‘rtasida o‘tkazilishi rejalashtirilayotgan uchrashuvdan xavfsiramoqda. Bunga sabab Qo‘shma Shtatlar rahbari nima haqida gapirishini hech kim oldindan taxmin qila olmayapti, deb yozadi Bloomberg agentligi Buyuk Britaniya vazirlar mahkamasi kabinetidagi yuqori mansabli manbalarga asosan.

Agentlik manbalaridan birining ma'lum qilishicha, Trampning gaplari NATO davlatlari va Rossiya chegaralarida keskin vaziyatning yuzaga kelishiga sabab bo‘lishi mumkin, u yerda Britaniya qo‘shinlari ham bor. 

Boshqa bir manbaning ta'kidlashicha, Tramp muzokaralarda ko‘taradigan mavzularni «taxmin qilish» har doim mushkul bo‘lib kelgan. Uning bildirishicha, Amerika prezidenti kutilmagan bayonotlarni berish yuborishi mumkinligi, Tramp Britaniya hukumati bilan muzokaralar o‘tkazgan paytdayoq ko‘ringan.

Eslatib o‘tamiz, avvalroq Tramp Putin bilan nima haqida gaplashishi ma'lum qilingandi.