Hokim to‘g‘risida yolg‘on xabar bergan shaxs ustidan jinoyat ishi qo‘zg‘atildi 

Buxoroda hokimning pora talab qilganligi to‘g‘risida yolg‘on xabar bergan shaxsga nisbatan jinoyat ishi qo‘zg‘atildi. 

Buxoro viloyati, Kogon tumani. “Siyoz Poyon” MFY, O‘zbakon qishlog‘ida yashovchi, “Bunyodkor G‘aybulla zamini” fermer xo‘jaligi rahbari, 1983 yilda tug‘ilgan Ergashev Namoz G‘aybullayevich O‘zbekiston Respublikasi Bosh prokuraturasining “1007” raqamli “Ishonch telefoni”ga murojaat qiladi. U o‘z murojaatida Kogon tumani hokimi Yo‘ldosh Jumayev fermer xo‘jaligining bankdagi hisob raqamiga qo‘yilgan taqiqni olib tashlash evaziga undan 2.000 AQSh dollari miqdorida pora talab qilayotganligi to‘g‘risida bila turib yolg‘on xabar berib, hokimni og‘ir jinoyat sodir etishda ayblab, yolg‘on xabar berish jinoyatini sodir qilganligi aniqlandi.

Mazkur holat yuzasidan N.Ergashevga nisbatan O‘zbekiston Respublikasi Jinoyat Kodeksining 237-moddasi 2-qismi bilan qo‘shimcha ayblov e'lon qilingan.