Бухорода ҳокимнинг пора талаб қилганлиги тўғрисида ёлғон хабар берган шахсга нисбатан жиноят иши қўзғатилди.
Бухоро вилояти, Когон тумани. “Сиёз Поён” МФЙ, Ўзбакон қишлоғида яшовчи, “Бунёдкор Ғайбулла замини” фермер хўжалиги раҳбари, 1983 йилда туғилган Эргашев Намоз Ғайбуллаевич Ўзбекистон Республикаси Бош прокуратурасининг “1007” рақамли “Ишонч телефони”га мурожаат қилади. У ўз мурожаатида Когон тумани ҳокими Йўлдош Жумаев фермер хўжалигининг банкдаги ҳисоб рақамига қўйилган тақиқни олиб ташлаш эвазига ундан 2.000 АҚШ доллари миқдорида пора талаб қилаётганлиги тўғрисида била туриб ёлғон хабар бериб, ҳокимни оғир жиноят содир этишда айблаб, ёлғон хабар бериш жиноятини содир қилганлиги аниқланди.
Мазкур ҳолат юзасидан Н.Эргашевга нисбатан Ўзбекистон Республикаси Жиноят Кодексининг 237-моддаси 2-қисми билан қўшимча айблов эълон қилинган.
