Putin Tramp bilan uchrashuv yakunlari haqida so‘zlab berdi

Rossiya prezidenti Vladimir Putin AQSh prezidenti Donald Tramp bilan uchrashuvdan keyin tomonlar ko‘p sonli muammolarni hal qilishmaganini, biroq bu borada ilk muhim qadamni qo‘yishganini aytdi. 

Tramp o‘z navbatida Putin bilan bugungi uchrashuv uzoq davom etadigan jarayonning boshi ekanligini aytgan. “Biz kelgusida ko‘proq uchrashib turishga kelishib oldik”, deb aytgan Tramp.

AQSh prezidentining ta'kidlashicha, Putin bilan muloqot ochiq va oshkora bo‘lgan. U Moskva va Vashington terrorchilikka qarshi kurash sohasida maxsus xizmatlar darajasida aloqalarni davom ettirishini tasdiqlagan va Putinga Rossiya hukumati AQShdagi saylovlarga aralashganini aytib o‘tgan. Putin bunga javoban “Rossiya buni qilmaganini va qilish istagi yo‘qligini” aytgan.

Putin AQSh Ukraina janubi-sharqidagi ixtilofni tartibga solish uchun Ukraina hukumati tomonidan Minsk kelishuvlari bajarilishini faolroq talab qilishi mumkinligiga e'tibor qaratgan.