KXDR Soxe poligonida buzish ishlarini boshladi

Shimoliy Koreyada raketa dvigatellari sinovdan o‘tkazilgan Soxe poligonidagi muhim obektlarni buzishga kirishildi. Bu haqda Reuters Jon Xopkins nomidagi universitet huzuridagi tadqiqot guruhi hisobotiga asosan xabar bermoqda.

Ma'lumotlarga ko‘ra, raketa-tashuvchilarni yig‘ish uchun ishlatilgan bino, shuningdek, ballistik raketalar sinoviga mo‘ljallangan maydonchalarni buzish ishlari olib borilmoqda.

«Bu obektlar Shimol qit'alararo ballistik raketa dasturi uchun texnologiyalarni rivojlantirishda muhim o‘rin tutgani sababli, buzish ishlari bo‘yicha bu sa'y-harakatlar Shimoliy Koreya o‘zaro ishonchni o‘rnatishga jiddiy harakat qilayotganidan dalolat beradi», - deya qayd etiladi hujjatda.