Foto: TIV axborot xizmati
TIVning Amerika mamlakatlari bilan hamkorlik boshqarmasiga yangi boshliq tayinlandi.
Tashqi ishlar vazirligi axborot xizmati xabariga ko‘ra, bu lavozimni Muzaffarbek Madrahimov egalladi.
Qayd etilishicha, u bunga qadar Sharqiy, Janubi-Sharqiy Osiyo va Okeaniya mamlakatlari bilan hamkorlik boshqarmasi bo‘limi boshlig‘i lavozimida ishlagan.
Eslatib o‘tamiz, avvalroq Tashqi ishlar vazirligida yana bir lavozim tayinlovi amalga oshirilgani xabar qilingandi.
