Britaniya Rossiyaga tegishli Su-24 samolyotlari tufayli qiruvchilarini havoga ko‘tardi

Buyuk Britaniya harbiy-havo kuchlari Ruminiyada joylashtirilgan Typhoon qiruvchilarini havoga ko‘tardi, bu NATO havo kengliklari yaqinida Rossiyaga tegishli Su-24 samolyotlari paydo bo‘lgani tufayli yuz berdi. Bu haqda Britaniya harbiy-havo kuchlari saytida xabar qilingan.

Ta'kidlanishicha, Rossiya harbiy-havo kuchlari samolyotlari Alyans havo kengliklarini buzib kirmagan, biroq «Tayfunlar» Su-24 aniqlanganidan keyin uni bir qancha vaqt davomida kuzatib bordi.

«Qiruvchilar NATO havo kengliklarini buzishga juda yaqin kelgan Rossiyaning noma'lum samolyotlariga qarata yo‘naltirildi. Ular NATO havo kengliklariga kirmadi, shuning uchun bosib turuvchi omil sifatida qisqa vaqt davomida samolyotlarni kuzatib borish haqida topshiriq berildi», - deyiladi Britaniya harbiy-havo kuchlari xabarida.