Yaponiyada tayfun tufayli bekor qilingan reyslar soni 300dan oshdi

Yaponiyaga «Jondari» tayfuni yaqinlashib kelayotgani tufayli 300dan ortiq ichki aviareyslar bekor qilindi. Bu haqda NHK telekanali xabar bermoqda.

Ta'kidlanganidek, «Jondari» Tinch okeanidan shimol-g‘arbga qarab harakatlanmoqda va 28 iyul kuni Yaponiyaning Tiba prefekturasidagi qirg‘oqlarga yaqinlashdi. Kutilishicha, tayfun kechqurun yoki tunda o‘z yo‘nalishni o‘zgartirishi mumkin, hamda oy boshida kuchli yog‘ingarchilik tufayli yuzaga kelgan toshqin va ko‘chkilar oqibatida zarar ko‘rgan Kansay viloyatiga «zarba beradi»

Mavjud ma'lumotlarga ko‘ra, ba'zi munitsipalitetlar fuqarolariga evakuatsiya qilishga tayyor turish haqida aytishgan.