Японияда тайфун туфайли бекор қилинган рейслар сони 300дан ошди

Японияга «Жондари» тайфуни яқинлашиб келаётгани туфайли 300дан ортиқ ички авиарейслар бекор қилинди. Бу ҳақда NHK телеканали хабар бермоқда.

Таъкидланганидек, «Жондари» Тинч океанидан шимол-ғарбга қараб ҳаракатланмоқда ва 28 июль куни Япониянинг Тиба префектурасидаги қирғоқларга яқинлашди. Кутилишича, тайфун кечқурун ёки тунда ўз йўналишни ўзгартириши мумкин, ҳамда ой бошида кучли ёғингарчилик туфайли юзага келган тошқин ва кўчкилар оқибатида зарар кўрган Кансай вилоятига «зарба беради»

Мавжуд маълумотларга кўра, баъзи муниципалитетлар фуқароларига эвакуация қилишга тайёр туриш ҳақида айтишган.