Tramp ma'muriyati Xitoy tovarlariga bojlarni kuchaytirish haqida o‘ylamoqda

AQSh prezidenti Donald Tramp ma'muriyati Xitoydan tovarlar va xizmatlar importiga 25% miqdorda - yiliga 200 mlrd dollarlik bojlar joriy etishni taklif qilmoqchi. Bu haqda Reuters vaziyatdan xabardor manbaga asosan xabar bermoqda.

Avvalroq, Tramp ma'muriyati Xitoy mollari va xizmatlariga 10 foizlik bojlar joriy etishni mo‘ljallab turgani haqida xabar bergandi. Endi, agentlikdan ta'kidlashlaricha, Tramp bojlarni 25 foizgacha oshirish haqida o‘ylab qolgan.

Ta'kidlanishicha, Qo‘shma Shtatlar prezidenti 1 avgust, chorshanba kuni tegishli bayonot berishi mumkin.