Lukashenko jiddiy kasalligi haqida tarqalgan xabarlar ustidan kuldi
Belarus prezidenti Aleksandr Lukashenko Belarusning «ONT» telekanali efirida jiddiy kasallikka chalingani haqidagi xabarlarning ustidan kuldi. U jurnalistlarning sog‘lig‘i haqidagi savollariga javob bergan.
Xususan, Belarus yetakchisi hosil yig‘ib olinayotgan joylardan biriga amalga oshirgan tashrifi vaqtida mahalliy rahbardan bir yildan keyin ish haqida hisobot berishni talab qildi. Keyinchalik esa, u kelasi yilgacha umr ko‘rishi borasida shubhalangan.
«Kelgusi yili menga hisobot berasan. Kelgusi yilgacha yashaysan-ku? Lekin, sen va'da berma. Meni bir kun oldin ko‘mishdi va seni ham ko‘mib qo‘yishlari mumkin», - deya aytib o‘tdi Lukashenko.
Shuningdek, u o‘zini ko‘rgan jurnalistning quvonib ketganini ta'kidlagan. Telekanalning yana bir xodimiga oldida prezidentning o‘rniga unga o‘xshash shaxs turmaganini tekshirib ko‘rishni tavsiya qildi.
«Sen ba'zida meni sinchiklab tekshirib tur», - deya maslahat bergan Lukashenko.
Eslatib o‘tamiz, avvalroq Lukashenko «insult»dan so‘ng omma oldida ko‘rinish bergandi.
Mavzuga oid
22:33 / 16.09.2024
Lukashenko yana 37 nafar siyosiy mahbusni afv etdi
00:12 / 13.09.2024
Lukashenko Qorabog‘ atrofidagi voqealarda Armaniston rahbariyatini aybladi
15:37 / 04.09.2024
Lukashenko 2020 yilgi namoyishlarning 30 ishtirokchisini afv etdi
20:56 / 22.08.2024