Ravon Rossiyada avtomobillar sotuvini deyarli to‘xtatib qo‘ydi

Iyul oyida Rossiyada Ravon brendi ostidagi birorta avtomobil sotilmadi. Bundan Yevropa biznesi uyushmasi ma'lumotlari darak beryapti.

O‘tgan yilning iyul oyida kompaniya Rossiyada 1275 dona avtomobil sotishga muvaffaq bo‘lgandi, lekin bu yil Ravon avtomobillari may oyidayoq ko‘plab dilerlik markazlaridan g‘oyib bo‘ldi.

Aynan o‘sha oyda kompaniyaning sotuvi keskin pasayib ketdi - GM Uzbekistan faqatgina 508ta mashinani sotdi, 2017 yil may oyida esa bu ko‘rsatkich 1219ta edi.

Bundan tashqari, kompaniya iyun oyida bitta ham avtomobilni sotmagan.

May oyida taqchillikka sabab kamida ikkita ekani ma'lum bo‘ldi - Rossiya bozori uchun narxlarning qayta ko‘rib chiqilishi va kompaniya biznes modelidagi sezilarli o‘zgarish.