“Gruziya yaqin yillar ichida NATO tarkibiga kirolmaydi” - Litva TIV rahbari

Gruziya yaqin orada NATO tarkibiga kira olmaydi. Tbilisi valyuta integratsiyasini rad etmasagina ushbu imkoniyat saqlanib qolishi mumkin, deya xabar berdi Litva tashqi ishlar vaziri Linas Linkyavichyus Žinių radijas radiostansiyasiga bergan intervyusida. 

NATO va Gruziyaning institutsional hamkorligi mamlakat “Tinchlik yo‘lida hamkorlik” dasturi ishtirokchisiga aylanganida (1994 yil) boshlangan. 2004 yili “Atirgullar inqilobi”dan so‘ng ikki tomon munosabati ancha yaqinlashgan. 2008 yil aprelida Buxarestda o‘tkazilgan NATO sammitida Gruziya ittifoq tarkibiga kirishi mumkinligi e'lon qilingandi. 2014 yildagi Uels sammitida esa Gruziyaning NATOga a'zo bo‘lishi bo‘yicha mezon ishlab chiqilib tasdiqlangandi. Ushbu me'yorga asosan Gruziyada doimiy ravishda harbiy mashg‘ulotlar amalga oshiriladi. 

 “Gruziyaning NATOga kirishi noma'lumligicha qolmoqda. Lekin mamlakatda harbiy sohasida islohotlar olib borilishini talab qilamiz. Buning bari uzoq muddatli jarayon hisoblanadi. Agar Gruziya hukumati tanlangan kursni rad etmasa NATOga kirish imkoniyati ortadi”, - dedi Linkyavichyus.