AQShda ilk bor musulmon ayol kongress a'zosi bo‘lishi mumkin

Kelib chiqishi falastinlik bo‘lgan Rashida Tlaib AQSh kongressiga dastlabki saylovlarda g‘olib chiqdi va kongressmenlikni qo‘lga kiritgan ilk musulmon ayol bo‘lishi mumkin, deb xabar berdi Huffington Post nashri.

U 2008 yilda Michigan shtati qonunchilik organidagi dastlabki musulmon ayol bo‘lgandi.

Michiganda bo‘lib o‘tgan dastlabki saylovlarda u besh nafar partiyadoshidan ko‘ra ko‘proq ovoz oldi. 

Nashrning yozishicha, Tlaib kongressda qator takliflarni, xususan, barchaga tibbiy sug‘urta berilishi, minimal ish haqini soatiga 15 dollar miqdorida belgilash, AQSh immigratsion-bojxona politsiyasini yopish takliflarini olg‘a surmoqchi.