Timoshenko Ukraina prezidentligiga nomzodlar reytingida yetakchi bo‘ldi

Ukrainaning «Batkivshina» partiyasi rahbari Yuliya Timoshenko Ukraina prezidentligiga nomzodlar reytingida birinchi o‘rinni egalladi. «Reyting» ijtimoiy tadqiqot guruhining so‘rovi natijalarini RIA Novosti keltirib o‘tdi.

Natijalarga ko‘ra, Timoshenko uchun so‘rovda ishtirok etganlarning 17,7% foizi ovoz berishga tayyor. Mamlakatning amaldagi rahbari Petr Poroshenko 8,3% ovoz bilan beshinchi o‘rinda qayd etildi.

Ma'lum qilinishicha, sobiq mudofaa vaziri Anatoliy Gritsenko uchun 10,7%, «Oppozitsionniy blok» rahbari Yuriy Boykoga 8,9%, «Radikalnaya partiya» yetakchisi Oleg Lyashko uchun 8,5% saylovchi ovoz berishi mumkin. Har beshinchi ukrainalik esa hozircha kimga ovoz berish borasida aniq qarorga kelmagan.