O‘zbekiston va Turkmanistonning chegaralar bo‘yicha ishchi guruhi uchrashuv o‘tkazdi

2018 yilning 10-17 avgust kunlari Toshkent shahrida O‘zbekiston Respublikasi va Turkmaniston o‘rtasidagi Davlat chegarasini delimitatsiya va demarkatsiya qilish masalalari bo‘yicha O‘zbekiston-Turkmaniston hukumatlararo qo‘shma komissiyasi ishchi guruhlarining navbatdagi uchrashuvi bo‘lib o‘tdi.

TIV axborot xizmati xabariga ko‘ra, uchrashuv chog‘ida O‘zbekiston – Turkmaniston Davlat chegarasi ayrim uchastkalarida amalga oshirilgan qo‘shma dala topografik-geodeziya ishlarining natijalari ko‘rib chiqildi va ularni davom ettirish yuzasidan kelishuvga erishilgan.

Qayd etilishicha, muzokaralar yakunida Bayonnoma imzolandi.