Toshkentda avtobus ishtirokida YTH yuz berdi. Jarohat olganlar bor

Toshkent shahrining Yunusobod tumanida avtobus ishtirokida jiddiy yo‘l-transport hodisasi yuz berdi. Bu haqda poytaxt IIBB axborot xizmati xabar qildi.

Bugun, 20 avgust kuni soat taxminan 12:20da Yunusobod tumanidagi Sharof Rashidov shoh ko‘chasi, «Turkiston» san'at saroyi ro‘parasida 148-yo‘nalishli «Isuzu» avtobusi yo‘l-transport hodisasiga uchradi. 

Xabarga ko‘ra, avtobusni 29 yoshli Muhammadjon E. boshqargan. Jarohat olganlar bor. Yo‘l-transport hodisasiga nima sabab bo‘lgani aniqlashtirilmoqda.