Osiyo o‘yinlari. Qilichbozlarimiz mezbonlarni mag‘lub etishdi, suzuvchimiz finalga chiqdi 

Bugun hamyurtlarimiz Osiyo o‘yinlarining to‘rtinchi kuni doirasida bahslarga kirishishgan.

Suzish bahslarida Vladislav Mustafin 100 metrga bras usulida suzish bo‘yicha o‘z guruhida ikkinchi natijani qayd etdi. Mustafin finalda ishtirok etadigan bo‘ldi. 100 metrga batterflyay usulida suzgan Artyom Kozlyuk o‘z guruhida to‘rtinchi natijani qayd etdi va keyingi bosqichga o‘ta olmadi. 100 metrga bras usulida suzgan Yulduz Qo‘chqarova o‘z guruhida uchinchi bo‘lib marraga yetib keldi.

Akademik eshkak eshishda Shahboz Xolmurzayev 7:50.21 natija bilan saralashda eng yaxshi natija ko‘rsatdi va finalga yo‘l oldi.

Qilichbozlik bo‘yicha bahslarda hamyurtlarimiz Indoneziya jamoasini 45:35 hisobida mag‘lub etib, chorak finalga yo‘l olishdi.