15 yil mobaynida Britaniyada aholi sonining o‘sishi migrantlar hisobidan ta'minlandi

So‘nggi 15 yil ichida Buyuk Britaniyada aholi sonining 80 foizdan ko‘proqqa o‘sishi migrantlar oqimi bilan bog‘liq bo‘ldi, bundan yangi tadqiqot natijalari darak beryapti. Bu haqda Britaniyaning Daily Telegraph gazetasi Buyuk Britaniyadagi Migration Watch UK mustaqil tadqiqot markazining hisobotiga tayangan holda yozmoqda.

Tadqiqot 2001 yildan 2016 yilgacha bo‘lgan davrni o‘z ichiga oladi. Uning ko‘rsatishicha, aholining o‘sishi migratsiya bilan bog‘liq bo‘lgan. Gazetaning yozishicha, bu davrda Buyuk Britaniyaga 3,1 million migrant kelgan.

Shu bilan birga, 2,5 million bola chet elda tug‘ilgan ota yoki onaga ega. 15 yil davomida Birlashgan Qirollikda yashovchi odamlar soni 59,1 milliondan 65,7 million kishigacha oshdi.

Bundan tashqari, materialda ta'kidlanishicha, so‘nggi milliy statistik ma'lumotlarga ko‘ra, 2016 yildan 2017 yilgacha aholi sonining 41 foizga o‘sishi tabiiy o‘zgarishlarga bog‘liq bo‘ldi. Yana 59% esa xalqaro migratsiya jarayonlariga aloqador.