Surxondaryodagi turistik obektlarga yo‘l ko‘rsatkich belgilari o‘rnatilmoqda
Surxondaryo viloyatida o‘zbek va ingliz tillaridagi yo‘l ko‘rsatkich belgilari o‘rnatila boshlandi. Bu haqida viloyat hokimligi vakillari xabar berishdi.
Bugunga qadar viloyatda jami 27 ta, jumladan Termiz tumanida - 8 ta, Boysun tumanida - 6 ta, Denov tumanida - 4 ta, Muzrabot tumanida - 2 ta, Sariosiyo tumanida - 2 ta hamda Angor, Uzun, Oltinsoy, Qumqo‘rg‘on va Jarqo‘rg‘on tumanlarida 1 tadan yo‘l ko‘rsatkich belgilari o‘rnatildi. Yana 18 ta yo‘l belgilarini o‘rnatish ishlari olib borilmoqda.
2018 yilning oxiriga qadar sayyohlar ko‘p tashrif buyuruvchi 45 ta obekt o‘zbek va ingliz tillaridagi yo‘l ko‘rsatkich belgilari bilan ta'minlanadi.
Bundan avval KUN.UZ'da Toshkent viloyatida 100 dan ortiq yo‘l ko‘rsatkich belgilari o‘rnatila boshlangani haqida xabar berilgan edi.
Ta'kidlash joizki, bugungi kunda turizmni rivojlantirish va ichki hamda tashqi sayyohlarning O‘zbekiston bo‘ylab harakatlanishini yengillashtirish uchun bunday yo‘l ko‘rsatkichlarining ahamiyati katta.
Mavzuga oid
13:57 / 18.09.2024
Surxondaryoda sodir bo‘lgan YTHda uch nafar sinfdosh yigit halok bo‘ldi
20:50 / 17.09.2024
Rossiyalik bloger O‘zbekiston poyezdidagi sayohatni «haqiqiy sinov» deb ta’rifladi
07:29 / 06.09.2024
Surxondaryoda 9400 tup daraxt nobud bo‘lishi mumkin
12:31 / 31.08.2024