«O‘zavtosanoat»ning 2017 yildagi sof daromadi miqdori ma'lum bo‘ldi

«O‘zavtosanoat» 2017 yilgi sof daromadning 90 foizini qayta investitsiya sifatida yo‘naltiradi. Bundan kompaniyaning yuqori boshqaruv organi tomonidan qabul qilingan qarorlar darak beryapti.

2017 yilda «O‘zavtosanoat»ning sof foydasi 130,3 mlrd so‘mni tashkil etdi.

Vazirlar Mahkamasining 16 iyuldagi qaroriga ko‘ra, 117,3 mlrd so‘m (90 foiz) ustav fondining oshirilishi hisobiga kapitalizatsiya qilinadi.

Qolgan 6,5 mlrd so‘m (10%) zaxira jamg‘armasi (5%) va homiylik hamda xayriya jamg‘armasini (5%) shakllantirish uchun yo‘naltiriladi.

Eslatib o‘tamiz, avvalroq «O‘zavtosanoat» «sun'iy» navbatlar va «defitsit»ni vujudga keltirish holatlari kuzatilganini ma'lum qilgandi.