O‘zbekistonlik eshkak eshuvchilar navbatdagi medalni qo‘lga kiritishdi

Indoneziyada Osiyo o‘yinlari doirasidagi bahslar davom etmoqda. O‘zbekistonlik eshkak eshuvchilar yana bitta medalni qo‘lga kiritishdi.

1000 metrga juftlik bahslarida startga chiqqan Shahriyor Mahkamov va Shohruhbek A'zamov marraga uchinchi bo‘lib yetib keldi va bronza medaliga sazovor bo‘lishdi.

Shuningdek, dzyudo bo‘yicha bahslar start oldi. G‘iyosjon Boboyev yamanlik raqibini mag‘lub etdi va chorak finalga chiqdi.

Eslatib o‘tamiz, avvalroq Vadim Menkov Osiyo o‘yinlarida 4 karra chempion bo‘lgan ilk o‘zbekistonlik sportchiga aylangani xabar qilingandi. Shuningdek, kanoeda eshkak eshish bo‘yicha ayollar o‘rtasida Dilnoza Rahmatova/Nilufar kumush medalni qo‘lga kiritdi.