“Maqom-2018” munosabati bilan yo‘lovchi poyezdlarning jadvaliga o‘zgartirish kiritildi

2018 yil 6-10 sentabr kunlari Shahrisabz shahrida  birinchi xalqaro “Maqom-2018” san'at anjumani o‘tkazilishi munosabat bilan  yo‘lovchi poyezdlarning bitta reysi qatnov jadvaliga o‘zgartirish kiritiladi. Bu haqda “O‘zbekiston temir yo‘llari ”AJ Axborot xizmati xabar bermoqda.

Unga ko‘ra:
1) 6.09.2018 yil Urganchdan Toshkentga jo‘naydigan № 55-sonli poyezdning Kattaqo‘rg‘ondan Samarqandgacha,
2) 6.09.2018 yil Toshkentdan Termizgacha  jo‘naydigan № 380-sonli poyezdning Samarqanddan Qarshigacha,
3) 6.09.2018 yil Andijondan Urganchga jo‘naydigan № 393-sonli poyezdning G‘allaoroldan Ziyovuddingacha,
4) 6.09.2018 yil Toshkentdan Buxoroga jo‘naydigan № 662-sonli poyezdning Jizzaxdan Samarqandgacha,
5) 6.09.2018 yil Sariosiyodan Toshkentga jo‘naydigan № 679-sonli poyezdning Kayirmadan G‘allaorolgacha bo‘lgan masofadagi harakat jadvali o‘zgartiriladi.

Shuningdek, 2018 yil 5-6 sentabr kunlari Toshkent-Buxoro-Toshkent yo‘nalishida yuqori tezlikda harakatlanuvchi № 766/765 -sonli “Afrosiyob” poyezdining 2 ta reysi bekor qilinadi. 

Ushbu reyslarga chipta olgan yo‘lovchilar kassaga murojaat qilishlarini so‘raladi. Yo‘lovchilar mazkur poyezdlarga olgan chiptalarni boshqa poyezdga almashtirib, yoki  foiz ushlamasdan chipta pullarini to‘liq qaytarib olishlari mumkin bo‘ladi.

Shu munosabat bilan quyidagi kassalarga murojaat qilish mumkin:
1. Toshkent shahridagi yo‘lovchilar Toshkent markaziy vokzalidagi 12- sonli kassaga,
2. Samarqand shahridagi yo‘lovchilar“Samarqand” vokzalidagi 1-sonli kassaga,
3. Buxoro viloyatidagi yo‘lovchilar Kogon vokzalidagi 1, 2 va  3-sonli kassalarga,
4. Navoiy shahridagi yo‘lovchilar esa Navoiy vokzalidagi  3-sonli kassalarga.

IZOH: Qo‘shimcha ma'lumotlarni 1005 telefon raqamidan (poytaxtdagi ma'lumot byurosi) hamda hududlardagi ma'lumot bo‘limlaridan, shuningdek, “O‘zbekiston temir yo‘llari ”AJ rasmiy veb-saytilaridan bilib olish mumkin: railway.uz, uzrailpass.uz.