Modrich barcha mish-mishlarga chek qo‘ydi

«Real» yarimhimoyachisi Luka Modrich «Inter»ga o‘tishi mumkinligi haqidagi mish-mishlarga izoh berdi.

Xorvatiyalik futbolchi tarkibida 4 marta Chempionlar Ligasi g‘olibligini qo‘lga kiritgan «Real»dan ketishni xayoligayam keltirmaganiga ishontirdi.

«Real»dan ketish? Buni xayolimgayam keltirmaganman. Nega endi dunyoning eng yaxshi klubini tark etishim kerak?», - deb Luka so‘zlarini keltirmoqda Sky Sports.

Avvalroq, «Real» prezidenti Florentino Peres «Inter»ni Modrich vakillari bilan maxfiy muzokara o‘tkazganlikda ayblagan edi.