Volvo “kelajak” yuk mashinasini taqdim qildi (video)

Volvo’ning yuk mashinalari ishlab chiqarish bilan shug‘ullanuvchi bo‘limi Volvo Trucks elektr dvigatelda ishlovchi “kelajak” yuk mashinasi prototipini namoyish qildi. Kompaniya yuk mashinasiga bag‘ishlangan kichik videorolikni YouTube’da joylashtirdi.

{Yii::t(}

O'tkazib yuborish 6s

O'tkazib yuborish

Antiqa yuk mashinasi yassi 4 g‘ildirakli, kabinasiz platformadan iborat bo‘lib, u mustaqil ravishda tirkamalarga ulanib, harakatlana oladi. Mashina yaratuvchilarining g‘oyasiga ko‘ra, bulutli texnologiyalar bilan bir tarmoqqa birlashgan Vera deb nomlanuvchi bu yuk mashinalar istiqbolda kichik masofalarga yuklarni jo‘natish uchun qo‘llanishi mumkin. Misol uchun, ular port va sanoat hududlaridagi odatdagi yuk mashinalari o‘rnini egallashi mumkin. Shuningdek, haydovchisiz yuk mashinalar yaqin joylashgan logistik markazlar o‘rtasida yuk tashishi mumkin. 

Yuk mashinaning ustunliklaridan biri uning shovqinsizligida bo‘lib, bu undan tungi vaqt cheklovlarsiz foydalanish mumkinligini anglatadi. Yaqin orada Volvo Trucks bir necha hamkorlar bilan birga prototipni takomillashtirish bilan shug‘ullanadi.

O‘tgan haftada Volvo haydovchisiz elektromobil kontsepti 360s’ni taqdim qilgandi. Bu kontseptda rul va tepkilar yo‘q bo‘lib, uning saloni yo‘lovchilar soni va ularning ehtiyojlariga qarab o‘zgarishi mumkin.