Qirg‘izistonda 5,5 balli zilzila yuz berdi

Foto: TASS/Sutanta Aditya

Qirg‘iziston hududida 5,5 balli yer silkinishi qayd etildi, deb xabar berdi Qozog‘iston seysmologik tajriba-uslubiy ekspeditsiyasi. Yer silkinishi mahalliy vaqt bilan 15 sentabr kuni soat 04.15da sodir bo‘lgan.

Qozog‘istonlik seysmologlarning ma'lumotiga ko‘ra, zilzila episentri Olmaota shahridan 146 kilometr janubda, Qirg‘iziston hududida, 5 kilometr chuqurlikda bo‘lgan.

Xabarda aytilishicha, zilzila oqibatida jabr ko‘rganlar va vayrongarchiliklar haqida ma'lumotlar yo‘q.

Eslatib o‘tamiz, 14 sentabr kuni soat 02:31da O‘zbekistonda yer silkinishi qayd etilgandi. Uning markazi Afg‘oniston hududida joylashgan.