Қирғизистонда 5,5 балли зилзила юз берди

Фото: TASS/Sutanta Aditya

Қирғизистон ҳудудида 5,5 балли ер силкиниши қайд этилди, деб хабар берди Қозоғистон сейсмологик тажриба-услубий экспедицияси. Ер силкиниши маҳаллий вақт билан 15 сентябрь куни соат 04.15да содир бўлган.

Қозоғистонлик сейсмологларнинг маълумотига кўра, зилзила эпицентри Олмаота шаҳридан 146 километр жанубда, Қирғизистон ҳудудида, 5 километр чуқурликда бўлган.

Хабарда айтилишича, зилзила оқибатида жабр кўрганлар ва вайронгарчиликлар ҳақида маълумотлар йўқ.

Эслатиб ўтамиз, 14 сентябрь куни соат 02:31да Ўзбекистонда ер силкиниши қайд этилганди. Унинг маркази Афғонистон ҳудудида жойлашган.