O‘zbekiston terma jamoasi FIFA reytingida qulashda davom etmoqda

Bugun, 20 senyabr kuni FIFA terma jamoalarning yangi reytingini e'lon qildi.

Unga ko‘ra, O‘zbekiston terma jamoasi oldingi o‘rnidan 1 pog‘ona pastlab, 1245 ball bilan 96-o‘rinda qayd etilgan. Bundan avval 7 iyun va 16 avgust sanalarida e'lon qilingan reytingda O‘zbekiston 95-o‘rinda ko‘rsatilgan edi.

FIFA reytingining yangi talqinida Fransiya yaqqol yetakchilikni boy bergan. Belgiya terma jamoasi ochkolar hisobida fransuzlarga yetib oldi. Shu va o‘tgan safar 9-o‘rinni bo‘lishib turgan Ispaniya va Daniya termalari 9-10 pog‘onalarni band etganidan tashqari kuchli o‘nlikda boshqa o‘zgarish kuzatilmagan.

FIFA reytingi
1. Belgiya (+1) - 1729.25 ochko
1. Fransiya - 1729.12
3. Braziliya - 1663
4. Xorvatiya - 1634
5. Urugvay - 1632
6. Angliya - 1612
7. Portugaliya - 1602
8. Shveytsariya - 1598
9. Ispaniya - 1597
10. Daniya (-1) - 1581
11. Argentina, 12. Chili, 12. Germaniya, 14. Kolumbiya, 15. Shvetsiya, 15. Meksika, 17. Niderlandiya, 18. Polsha, 19. Uels, 20. Italiya.

MDH terma jamoalaridan 8 tasi yuzlikka kiritilgan:
29. Ukraina (+6)
46. Rossiya (+3)
80. Belorus (-2)
91. Qirg‘iziston (+1)
93. Gruziya (3)
96. O‘ZBeKISTON (-1)
98. Estoniya (-4)
100. Armaniston (0)

Osiyo jamoalari reytingidagi yuqori o‘nlik o‘zgarmay qolgan. OFK vakillari ichida O‘zbekiston o‘tgan oylardagi 13-o‘rinni boy berib, 14-pog‘onaga tushib qoldi. Oktyabr oyida Toshkentda mehmon bo‘ladigan Qatar O‘zbekistonni quvib o‘tishga muvaffaq bo‘lgan. Boz ustiga, 97-o‘rindagi Hindiston bilan o‘rtadagi farq 1 ochkoga ham bormaydi.

OFK terma jamoalari
33. Eron (-1)
43. Avstraliya (0)
54. Yaponiya (+1)
55. Janubiy Koreya (+2)
71. Saudiya Arabistoni (-1)
74. Suriya (-1)
76. Xitoy (-1)
77. Livan (+2)
85. Ummon (-1)
89. Iroq (0)
91. Qirg‘iziston (+1)
94. Qatar (+4) - 1246.69 ochko
96. O‘ZBeKISTON (-1) - 1244.61
97. Hindiston (-1) - 1244,4
100. Falastin (-1)

Eslatib o‘tamiz, Ektor Kuper murabbiyligidagi terma jamoa sentabr oyida ikkita xalqaro o‘rtoqlik uchrashuvida maydonga tushdi. Dastlab Suriya termasi bilan 1:1 hisobida durang qayd etilgan bo‘lsa, o‘tgan hafta Eron vakillariga 0:1 hisobi bilan imkoniyat boy berildi.

Ta'kidlash joiz, O‘zbekiston terma jamoasi oktabr oyidagi FIFA kunlarida ham 2 ta o‘rtoqlik o‘yini o‘tkazadi. 13 oktabr kuni KXDR, 16 oktabrda Qatar termalari Toshkentda mehmon bo‘ladi. Shuningdek, 20 noyabr kuni Janubiy Koreya terma jamoasiga qarshi Avstraliyada nazorat o‘yini o‘tkazish belgilangan.