Ўзбекистон терма жамоаси ФИФА рейтингида қулашда давом этмоқда

Бугун, 20 сенябрь куни ФИФА терма жамоаларнинг янги рейтингини эълон қилди.

Унга кўра, Ўзбекистон терма жамоаси олдинги ўрнидан 1 поғона пастлаб, 1245 балл билан 96-ўринда қайд этилган. Бундан аввал 7 июнь ва 16 август саналарида эълон қилинган рейтингда Ўзбекистон 95-ўринда кўрсатилган эди.

ФИФА рейтингининг янги талқинида Франция яққол етакчиликни бой берган. Бельгия терма жамоаси очколар ҳисобида французларга етиб олди. Шу ва ўтган сафар 9-ўринни бўлишиб турган Испания ва Дания термалари 9-10 поғоналарни банд этганидан ташқари кучли ўнликда бошқа ўзгариш кузатилмаган.

ФИФА рейтинги
1. Бельгия (+1) - 1729.25 очко
1. Франция - 1729.12
3. Бразилия - 1663
4. Хорватия - 1634
5. Уругвай - 1632
6. Англия - 1612
7. Португалия - 1602
8. Швейцария - 1598
9. Испания - 1597
10. Дания (-1) - 1581
11. Аргентина, 12. Чили, 12. Германия, 14. Колумбия, 15. Швеция, 15. Мексика, 17. Нидерландия, 18. Польша, 19. Уэльс, 20. Италия.

МДҲ терма жамоаларидан 8 таси юзликка киритилган:
29. Украина (+6)
46. Россия (+3)
80. Белорусь (-2)
91. Қирғизистон (+1)
93. Грузия (3)
96. ЎЗБЕКИСТОН (-1)
98. Эстония (-4)
100. Арманистон (0)

Осиё жамоалари рейтингидаги юқори ўнлик ўзгармай қолган. ОФК вакиллари ичида Ўзбекистон ўтган ойлардаги 13-ўринни бой бериб, 14-поғонага тушиб қолди. Октябрь ойида Тошкентда меҳмон бўладиган Қатар Ўзбекистонни қувиб ўтишга муваффақ бўлган. Боз устига, 97-ўриндаги Ҳиндистон билан ўртадаги фарқ 1 очкога ҳам бормайди.

ОФК терма жамоалари
33. Эрон (-1)
43. Австралия (0)
54. Япония (+1)
55. Жанубий Корея (+2)
71. Саудия Арабистони (-1)
74. Сурия (-1)
76. Хитой (-1)
77. Ливан (+2)
85. Уммон (-1)
89. Ироқ (0)
91. Қирғизистон (+1)
94. Қатар (+4) - 1246.69 очко
96. ЎЗБЕКИСТОН (-1) - 1244.61
97. Ҳиндистон (-1) - 1244,4
100. Фаластин (-1)

Эслатиб ўтамиз, Эктор Купер мураббийлигидаги терма жамоа сентябрь ойида иккита халқаро ўртоқлик учрашувида майдонга тушди. Дастлаб Сурия термаси билан 1:1 ҳисобида дуранг қайд этилган бўлса, ўтган ҳафта Эрон вакилларига 0:1 ҳисоби билан имконият бой берилди.

Таъкидлаш жоиз, Ўзбекистон терма жамоаси октябрь ойидаги ФИФА кунларида ҳам 2 та ўртоқлик ўйини ўтказади. 13 октябрь куни КХДР, 16 октябрда Қатар термалари Тошкентда меҳмон бўлади. Шунингдек, 20 ноябрь куни Жанубий Корея терма жамоасига қарши Австралияда назорат ўйини ўтказиш белгиланган.