Andijonda boks bo‘yicha xalqaro turnir yakuniga yetdi

Joriy yilning 17-21 sentabr kunlari Andijon olimpiya zaxiralari maktab-internati sport majmuasida an'anaviy, O‘zbekistonda xizmat ko‘rsatgan murabbiy Zolotarev xotirasiga bag‘ishlangan xalqaro boks turniri bo‘lib o‘tdi.

Unda O‘zbekistonning barcha viloyatlari hamda qo‘shni Qozog‘iston, Qirg‘iziston davlatlaridan 164 nafar sportchi ishtirok etdi. O‘nta vazn toifasida o‘tkazilgan bahslar atletlar orasida ko‘plab yangi yulduzlar yetishib chiqayotganini ko‘rsatib berdi.

Musobaqaning tantanali yopilish marosimida Andijon jismoniy tarbiya va sport boshqarmasi boshlig‘i O‘tkirbek Toshpo‘latov, O‘zbekistonda xizmat ko‘rsatgan murabbiy Mars Qo‘chqorov hamda taniqli murabbiy O‘tkirbek Haydarovlar barcha ishtirokchilarni qutlashdi.          

                                                                                           Elmurod Ermatov,
                                                                                               Kun.uz muxbiri