OAV: Klimkin Poroshenkoning nutqi vaqtida uxlab qoldi

Ukraina tashqi ishlar vaziri Pavel Klimkin mamlakat prezidenti Pyotr Poroshenkoning nutqi paytida uxlab qoldi. Bu haqda «RIA Novosti» Ukrainaning «Pyatiy kanal» telekanali translyatsiyasiga asosan xabar bermoqda.

Videoyozuv kadrlaridan ko‘rish mumkinki, ukrainalik vazir ko‘zini yumib olgan holda va boshi bir chekkaga egilgan holda o‘tirgan. Shuningdek, agentlikning ta'kidlashicha, Poroshenkoning nutq vaqtida zaldagi o‘rindiqlarning bir qismi bo‘sh turgan.

Ukraina prezidenti 25 daqiqalik ma'ruza bilan chiqish qildi. U nutqining to‘rtdan uch qismini Rossiyaga bag‘ishladi, Ukrainaga esa - uch yarim daqiqa vaqt ajratildi.