Aholi ish o‘rinlari sifati yomonligi uchun Qirg‘izistonni tark etayotganligi aytildi

Qirg‘izistonda mehnat sohasidagi vaziyat og‘ir va gap nafaqat ish o‘rinlari, balki birinchi navbatda ularning sifati haqida bormoqda, dedi Xalqaro mehnat tashkilotining milliy koordinatori Bolot Orokov.

«Qirg‘izistonda bo‘sh ish o‘rinlari ko‘p, ammo fuqarolar ularda ishlashni istamaydi», — dedi u.

Uning aytishicha, ish sifatiga bir nechta omillar ta'sir ko‘rsatadi.

«Albatta, bu ish haqi. Ish haqi miqdori mamlakatdagi umumiy mehnat samaradorligiga bog‘liq. Qirg‘izistonda ko‘plab ish o‘rinlari past samarali hisoblanadi va bu kam daromadli deganidir. Ikkinchi omil – mehnatning inson salomatligi va hayotiga nisbatan xavfsizligi. Uchinchisi —inson ish o‘rnini yo‘qotganida suyanishi mumkin bo‘lgan kuchli ijtimoiy himoya tizimi», — deya qayd etdi Bolot Orokov.