O‘zbekiston va Qirg‘iziston ishchi guruhlari Qizil-Qiyada uchrashuv o‘tkazdi

2018 yilning 24-30 sentabr kunlari Qizil-Qiya shahrida (Qirg‘iziston) O‘zbekiston Respublikasi va Qirg‘iziston Respublikasi o‘rtasidagi Davlat chegarasini delimitatsiya va demarkatsiya qilish masalalari bo‘yicha hukumat delegatsiyalari ishchi guruhlarining muzokaralari bo‘lib o‘tdi.

TIV axborot xizmati xabariga ko‘ra, uchrashuv doirasida dala tekshiruvlarining yakunlari ko‘rib chiqildi, shuningdek o‘zaro chegaraning qolgan uchastkalarini bayon qilish davom ettirildi.

Muzokaralar natijasida Bayonnoma imzolandi.

Uchrashuv an'anaviy do‘stlik, yaxshi qo‘shnichilik va konstruktiv muloqot ruhida bo‘lib o‘tdi, deyiladi xabarda.

Eslatib o‘tamiz, avvalroq qirg‘izistonlik deputat O‘zbekistonga suv sotishni taklif qilgandi.