Jakartada Paraosiyo o‘yinlarining tantanali ochilish marosimi bo‘lib o‘tdi (fotojamlanma)

6 oktabr kuni Indoneziya poytaxti Jakarta shahrida III Paraosiyo o‘yinlarining tantanali ochilish marosimi bo‘lib o‘tdi. Paralimpiya qo‘mitasi matbuot xizmati KUN.UZ'ga shu haqida xabar berdi. 

Osiyo va Paraosiyo o‘yinlarining bosh stadioni Gelora Bung Karno Main Stadium'da o‘tkazilgan tadbirda barcha mamlakatlar sport delegatsiyalari stadion bo‘ylab tantanali tarzda chiqish qilishdi. O‘zbekiston sport delegatsiyasi bayroqdori vazifasini Husniddin Norbekov bajardi. 

Marosimda mezbon mamlakat - Indoneziya madaniyati, an'analari aks etgan turli sahna ko‘rinishlari ham namoyish etildi. Shuningdek, Indoneziya prezidenti Joko Vidodo so‘zga chiqib, ishtirokchilarni qutladi va barchaga omad tiladi.