Xitoy AQShga talab qo‘ydi

Xitoy tashqi ishlar vaziri Van I Amerika tomonini qarama-qarshilik yo‘lidan bormaslikka chaqirdi. Bu haqda «RIA Novosti» xabar bermoqda.

Ta'kidlanishicha, AQSh davlat kotibi Mayk Pompeo bilan uchrashuvda Van I mamlakatlar o‘rtasida so‘nggi paytlarda savdo sohasida qarama-qarshiliklar soni ko‘payganiga e'tibor qaratdi. Uning qayd etishicha, Xitoy qonuniy manfaatlari va huquqlari, shuningdek, Xitoy-Amerika munosabatlari Qo‘shma Shtatlar tomonining harakatlaridan zarar ko‘rdi.

«Biz Amerika Qo‘shma Shtatlari noto‘g‘ri so‘zlar va harakatlardan darhol to‘xtashini talab qilamiz», - dedi Van I.

Uning qo‘shimcha qilishicha, mamlakatlar keskinlik va qarama-qarshilik yo‘lidan bormasligi kerak.

Eslatib o‘tamiz, avvalroq Pompeo AQSh Xitoy bilan qaysi sohada hamkorlik qilmoqchi ekanini aytgandi.