Kiprdagi AQSh bazasi yopilgani ma'lum bo‘ldi

2017 yilda Amerika Qo‘shma Shtatlari Kipr orolidagi harbiy-havo kuchlari bazasini yopib qo‘ygan. Bu haqda ABC News xabar bermoqda.

Telekanal ma'lumotlariga ko‘ra, AQSh aviabazaga xizmat ko‘rsatish va saqlash uchun taxminan 70 million dollar sarflagan.

Ta'kidlanishicha, harbiy-havo kuchlari bazasi Davlat departamentining aviatsiya ma'muriyati kengashi tomonidan tasdiqlanmagan holda tashkil etilgan.

Shu bilan birga, ushbu obekt nima maqsadda yaratilgani noma'lumligicha qolmoqda.

Eslatib o‘tamiz, avvalroq Polsha AQSh harbiy bazasi uchun «milliardlab dollar» to‘lashga tayyorligi xabar qilingandi.