Qibray tumani yonida ko‘p yillar davomida to‘planib qolgan chiqindilar tozalanmoqda

Bugun Mirzo Ulug‘bek tumanida keng ko‘lamli bunyodkorlik, qurilish-ta'mirlash, obodonlashtirish va ko‘kalamzorlashtirish ishlari qizg‘in tus olgan, deb xabar bermoqda tuman hokimligi matbuot xizmati.

Qayd etilishicha, tumandagi Toshkent viloyatining Qibray tumani bilan chegaradosh qismida ko‘p yillik to‘planib qolgan chiqindilarni tozalash ishlari olib borilmoqda. Ushbu maskanda asosan qurilish chiqindilari istalgan joyga odamlar tomonidan tashlab ketilgan. Buning oqibatida bu hududda baland-baland tog‘lar kabi chiqindilar paydo bo‘lgan. 

Bugun 90taga yaqin texnikalar ushbu maskanning obod bo‘lishi uchun xizmat qilmoqda, deyiladi xabarda.

“Fuqarolarimizdan o‘z xonadonlarini obod qilishi evaziga boshqa bir hududni axlatxonaga aylantirmasligini, qolaversa chiqindilarni maxsus axlatxonalarga tashlashlarini so‘ragan bo‘lar edik!” - deyiladi Mirzo Ulug‘bek tumani hokimligi xabarida.