Jizzaxda ichida 28 nafar yo‘lovchi bo‘lgan avtobus yo‘l chetiga ag‘darildi

Jizzax viloyatining Sharof Rashidov tumanida avtobus ishtirokida yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 11 oktabr kuni Buxoro tumanida yashovchi S.B. boshqaruvidagi “Isuzu” rusumli avtobusini salonida jami 28 nafar yo‘lovchilari bilan “Jizzax-Do‘stlik-Gagarin” yo‘lining 23-km.da haydab ketayotib, boshqaruvni yo‘qotishi oqibatida avtobus yo‘l chetiga yonboshlab qolgan.

Natijada 3 nafar yo‘lovchi jarohat olib kasalxonaga yotqizilgan hamda 16 nafar yo‘lovchiga tibbiy yordam ko‘rsatilgan. 

Surishtiruv ishlari olib borilmoqda, deyiladi xabarda.